Որքա՞ն հողատարածք է տրամադրվում համայնքային գերեզմանատներում մեկ գերեզմանատեղի համար ԱՆՎՃԱՐ

Մահացածի մարմինը (աճյունը) հողին հանձնելու համար՝ համայնքային գերեզմանատներում անվճար հիմունքներով դիմողի ցանկությամբ մեկ գերեզմանատեղի համար տրամադրվում է 2,5 քառակուսի մետր հողատարածք (2,5 x 1.0 մետր չափերով)։

• Որքա՞ն հողատարածք է հատկացվում ընտանեկան գերեզմանի կազմակերպման համար
• Ընտանեկան գերեզմանի կազմակերպման համար առավելագույնը տրամադրվում է 12,5 քառակուսի մետր հողատարածք։

• Ի՞նչ փաստաթղթեր են անհրաժեշտ հուղարկավորությունն ընտանեկան գերեզմանում իրականացնելու համար

Հուղարկավորության իրականացման համար՝ եթե հուղարկավորությունը իրականացվում է ընտանեկան գերեզմանում, ապա հուղարկավորության իրականացման համար ներկայացվում են՝

• Մահվան վկայականը։
• Ընտանեկան կապը հաստատող փաստաթուղթ։
• Ներկայացվում է նաև գերեզմանի վկայականի բնօրինակը կամ հիմք է ընդունվում կազմակերպության գրանցամատյանում նախկինում կատարված գրանցումները։

• Նոր գերեզմանատեղի հատկացումը։

Նոր գերեզմանատեղի հատկացումը կատարվում է միայն բաց գերեզմանատներում։